మరణం…

మరణం…

జీవితంలో ఎన్నో సంధర్బాలకి, సంఘర్షణలకి, సంఘటనలకి ముందస్తుగా సిద్దపడి, తగిన జాగ్రత్తలు తీసుకునే మనం.. ఈ ఒక్క మరణం అనే విషయంలో మాత్రం ఎందుకు ముందస్తు జాగ్రత్త తీసుకోము? ఎందుకంత నిర్లక్ష్యం?

ఒక మధ్యతరగతి ఉధ్యోగి కలలు కంటాడు.. తను రిటైర్ అయ్యే సమయానికి కొడుకులిద్దరు మంచి ఉధ్యోగాల్లో స్థిరపడాలని, పెళ్లిల్లు చేసుకొని పిల్లా పాపలతో సంతోషంగా ఉండాలని.. చివరి రోజుల్లో ఎలాంటి బాధరబంధి లేకుండా కన్ను మూయాలని..

అతని భార్య కలలు కంటుంది.. భర్త నిండు నూరేళ్లు ఆరోగ్యంగా ఉండాలని, పిల్లలు స్థిరపడి ఇల్లు కలకలలాడాలని..

కోడుకులు ఆశ పడతారు.. ఒక మంచి ఉధ్యోగం సంపాదించి, స్థిరపడి, ఒక మంచి అమ్మాయిని పెళ్లిచేసుకొని, భార్యా పిల్లలతో అమ్మానాన్నలతో సంతోషంగా బతకాలని..

అందరూ దాదాపుగా ఇవే, లేదా ఇలాంటి ఆశలతో తమ జీవితాలకి కొన్ని లక్ష్యాలు నిర్దేశించుకొని వాటిని అందిపుచ్చుకోవడానికి ఎంత కష్టపడాలో అంతా కష్టపడుతూ.. ఆ పోరాటంలో, అత్యంత కీలకమైన… మరియు వీటన్నింటికి అత్యావశ్యకమైన ఆరోగ్యాన్ని మాత్రం ఎందుకు నిర్లక్ష్యం చేస్తారో అర్ధం కాదు ఒక్కొక్కసారి..

షుగర్ లెవల్ 500 పైకి ఎగబాకినా, బి.పి 200/120 మించిపోయినా, ఛాతిలో మంటగా ఉన్నా, ఎన్నో రాత్రుల్లు నిద్రపట్టకపోయినా, ప్రతిరోజు మందుకి భానిసైనా ఎందుకంత ఉదాసీనత? ఆ లక్షణాలన్ని ప్రాణాంతకమని తెలిసినా ఎందుకంత నిర్లక్ష్యం?

ఇప్పుడు ఆ చిన్ని కుటుంబంలో… ఆ తండ్రి అకాల మరణం చేసినా, ఆ తల్లి అర్ధాంతరంగా గతించినా, ఆ పిల్లలు ఏదో ఒక రోడ్డు దుర్ఘటనలో చిన్నవయసులో ప్రాణాలు కోల్పోయినా, ఆ కుటుంబానికి కలిగే మానసిక క్షోభ వర్ణనాతీతం.. కేవలం అది అనుభవించే వాళ్లకే తెలుస్తుంది…

Friends, అలాంటి పరిస్థితుల్లో మీరుగాని, మీకు తెలిసిన వాళ్లుగాని ఉంటే, దయచేసి సరైన సమయంలో సరైన వైద్యపరీక్షలు చేయించుకొని జాగ్రత్తగా ఉండండి..

చివరగా ఒక్క మాట… మీ చేతుల్లో… కేవలం మీ జీవితం మాత్రమే కాదు, మీ వాళ్ల సంతోషం కూడా ఉందని మరచిపోకండి.

ఏ మూల దాక్కుందో కేకేసి పిలువు

ఎవరి కోసం… ఎందుకోసం.. దేనికోసం… ఈ తాపత్రయం… నీ అంతులేని ఆత్రం…?

అంతరంగ తరంగంలోని అనురాగాన్ని అదిమిపట్టి, ప్రాపంచిక ప్రయోజనాలకి పాకులాడుతావు… ఎందుకోసం?
అనుచుకోలేని ఆవేశంతో అర్థహీనుడివౌతావు… దేనికోసం??

నీ ఇంటి వాకిట్లో నీలాలు రాలాలని నిశిరాత్రిలో నిలుచున్నావే….
పక్కింట్లో మనస్పర్ధలు ‘మనకెందుకులే’ నిట్టూర్పులో నీరుగారిపోతున్నా పట్టించుకోవా..!?
అడిగాను కదా అని పక్కింటి పంచాయతీకి పంచె ఎగగట్టి బయలుదేరావా…
నీ ఇంటి దేవతలు వృద్దాశ్రమంలో అనాథలుగా పడి ఉన్నారు, ఆ పంచె దించి పలకరించిరా ఒకసారి…!!

బందిపోటు రూపుదాల్చి, బల్లక్రింద చేయిపెట్టి, బడుగుజీవి బ్రతుకుకొట్టి… బ్యాంకుల్లో కూడబెడుతున్నావు..
నీ కాలికింది ఖరీదైన కార్పెట్ కోసమా? నీ భార్య ఒంటిపై వేసుకోలేనన్ని నగల కోసమా?? నీ పిల్లల పెళ్లిల్లకోసమా???

కారణాలు చెప్పే పనిలేదు… కనికరం ఏ మూల దాక్కుందో కేకేసి పిలువు.. !!!

కలవై వస్తావని..

నీ మాట వినని ఏ రేయినైనా..
నిదురేమిటో నా దరికి రాదు…
నిదుర వస్తే కూడా నిశ్చింతే నాకు..
కలవై వస్తావని.. కథలు చెప్తావని…

2012 in review of my blog

The WordPress.com stats helper monkeys prepared a 2012 annual report for this blog.

Here’s an excerpt:

600 people reached the top of Mt. Everest in 2012. This blog got about 2,800 views in 2012. If every person who reached the top of Mt. Everest viewed this blog, it would have taken 5 years to get that many views.

Click here to see the complete report.

దున్నపోతీయం–రెండవభాగం

(మొదటి భాగం చదవాలనిపిస్తే… ఇక్కడికి వెళ్ళిరండి)

కాలం పరుగులు తీస్తోంది…

గాయాలు కాయాన్ని రాటుదేల్చుతున్నాయి…

ప్రాయమూ పాఠాలు నేర్చుకుంటోంది…….

ఒక చల్లని వేకువ జామున…

ఊషోదయపు వెచ్చని కిరణాలు ఇంకా భూమిని ప్రసన్నం చేయని గడియల్లో… ఎవరు set చేయకుండానే కోడి అలారం మోగించింది… కట్టేసే అవకాశమూ ఇవ్వకుండా ఇంటివెనక ఎండిపోయిన పత్తిమొక్కల్లో పరుగులు తీసింది…

వేకువపు బద్దకపు నిట్టూర్పుల జాడ ఎరుగక… చాలా ఉత్సాహంగా, జాలీ జాలీగా పనిలోకి దూకాడు చింటూ… పచ్చని గడ్డిపరకలు చేతుల్లోకి ఎత్తుకొని ఇంటి ఎదురుగా ఏర్పాటు చేసుకున్న చావడిలోకి అడుగులు వేసాడు… దున్నపోతుకి పరకలు దగ్గరగా వేసి, పైకి లేచి, చెవుల్లోనుంచి iPod 4th Gen కి అనుసందానించబడిన Bose తలపట్టీ (Headset) తీసి…. పశువుని చూస్తూ…

 

చింటూ (Party smile): ఏం మామా dull అయిపోయినవ్? bore కొడుతుందా ఏంది?

దున్నపోతు (Devil): (గడ్డివైపు తలదించైనా చూడకుండా… చింటూ వైపే తధేకంగా చూస్తూ… ) నా mood సంగతేముందిగని, నువ్వేంది యమా జోరు మీదున్నవ్?.. మధ్యలో కొత్తగా ఈ ‘మామ్‘ ఏంది?

 

Party smile: ఇదంతా ఇప్పటి ట్రెండ్ మామా… పనిలో ఉన్నా, పాయకానాలో ఉన్నా… పాటలు పాటలు పాటలూ… NoteNoteNoteNote వినండి వినండి… ఉల్లాసంగా… ఉత్సాహంగా…NoteNoteNoteNote

Devil: అబ్బో…

Party smile: అవ్‌ మల్ల..

Devil: గదిసరే గానీ… గీ ‘ మా…. ‘

Party smile: గాడికే వస్తున్న.. చిల్ డ్యూడ్… ఎంతకాలమని… అన్న… దున్నా… అని పిలుస్తాను చెప్పు… It’s getting bore yaa… అవతలివాడు అన్నైనా, బావైన, మామైనా.. ఆ మాటకొస్తే బాబాయైనా సరే… NO matter what.. Just “ మామా “ అంతే !!

Devil: కానీ దున్నని కదరా… ఇననీకీ.. అదోలా ఉంది !??

Party smile: Ok. గట్లైతే let’s try “ మచ్చి ”…?

Devil: గదేంది… మచ్చి అంటే హిందీల దోమ కదా !? దున్నలాంటి నన్ను పట్టుకొని దోమ అంటే.. సూట్ అవ్వదేమో (ప్రశ్నార్థకపు కవళికతో)

Party smile: హ్హ … హ్హ… హ్హహ… హహ్హహ… (కడుపు పట్టుకొని నవ్వుతూ…) silly dude… హిందీలో దోమ మాత్రమే కాదు… తమిళం లో “ బావ / మమ” అని కూడా…

Devil: అబ్బో… ఇగ అన్ని అయిపోయినయ్… ఇప్పుడు తమిళం మీద పడ్డవా ??

Party smile: గదే కదా మచ్చి ఫ్యాషన్‌ అంటే… ఎవ్వడికీ అర్థం కాకపోయినా… వినడానికి కొత్తగా ఉంటే చాలు…

Devil: ఎదో ఒకటి పిలిచి సావ్ గానీ…నేను జరిన్ని గడ్డిపోసలు తింట.. నువ్వు పొయిరా !!

Party smile: ఏయ్….య్… మచ్చి… Winking smile … మరిందాక మూడ్ లేదన్నవ్ 

Devil: నీతో బాతాకానీ షురూ చేసినంక ఇంక మూడు నాలుగు అన్నీ set అయినయ్ గనీ… పొ… పొ… పొయ్ రా…

Party smile: ఏ.. ఏంది మచ్చి ఊకే… పొ పొ అనుకుంట Sad smile… ఏదో పశువుని తోలినట్టు తోలుతున్నవ్..

Devil: ఆహా… అలాగా… మరి నువ్వు నన్నేమని పిలుస్తునవ్ భే… ఓయ్ .. ఏయ్… అంటలేవూ.?? వచ్చిన కొత్తల ఎట్లుండేటోనివి !?..

ఏవండీ…. ఎవరండి….. మీరేనా అండి… (వెక్కిరింతగా చింటూ ని అనుకరిస్తూ) అనుకుంటూ నా దుడ్డె లెక్క పసిపోరనోలే అమాయకంగా ఉండేటోనివి… ఇప్పుడు చూడు… నాలుగు మీసాలొచ్చి… నాలుగు రాళ్లు ఎనకేసుకున్నవో లేదో… అస్సలు భూమి మీద కాళ్లే నిలుస్తలేవు……

Party smile: అంటే…. మరీ… అదీ…(సిగ్గుపడుతూ.. మెలికలు తిరుగుతూ.. కుడికాలి బొటనవేలు నేలకు రాస్తూ.)

Devil: ఆ…. గదే… కాలం మారింది… ఈడు జోరుకొచ్చింది… మాట, మర్యాద మారిపోయింది…

Party smile: ఏ… ఊకో… గసోంటిదేం లేదు మచ్చి… (గారాభంగా.. ఊరడిస్తూ… వేణుమాదవ్-లా నడుం ఊపుతూ)

Devil: ఛల్… చుప్..ప్…..ప్….  Steaming mad . అస్సలే తిక్కమీదున్న… ఒక్క కుమ్ము కుమ్మానంటే పొయ్ ఏడనో పడతవ్ భిడ్డ… పైలం…

Party smile: నిజంగా… Annoyed .. !!?

Devil: ఏం ఢౌటా.. Green with envy ??

Party smile: ఏయ్… నిజంగా  (ఇంకొంచెం కోపం పెంచి) !??

Devil: ఏమ్‌రో… చెప్తే సమజయితలేదా… మజాక్ లెక్క అనిపిస్తుందా ఏంది…

Party smile: ఏ…. ఇంకోసారి చెప్పు… నిజంగా కుమ్ముతవా… (రెట్టించిన స్వరంతో)…

Devil: అంటే… అది… ఏం… కుమ్మలేననుకున్నవా… Freezing (దిక్కులు చూస్తూ..)

Party smile: ఆ… హా….. (దున్నవైపు అడుగులు వేస్తూ..).. అలాగా… ఏదీ కుమ్ము.. (కిందికి వంగుతూ, కవ్విపుంగా)..

Devil: (వెనక్కి అడుగులేస్తూ).. ఏం.. ఏందిరా భయ్ .. నీ లొల్లి.. పెద్ధ తలయాకనొప్పి వచ్చిపడింది నీతోని..

Party smile: ఎహె యాడికి పోతవ్ … (అంటూ కొమ్ములు రెండు చేతుల్తో గట్టిగా అదిమిపట్టి)..

Devil: ఓయ్.. ఏం చేస్తవ్రో.. (కళ్ళు మూసుకుంటు… అనుమానంగా..)

Party smile: (…. నుదుటిపై ముద్దు పెట్టాడు….)

Devil: ఏయ్… ఆ.. . ఉ…. చీ.. (సిగ్గుపడుతూ..).. ఏయ్….

Party smile: (వెనక్కి లేచి… కొమ్ములు వదిలేస్తూ…)

Devil: ఏయ్.. ఏందిభే ఇది.. ఎవడన్న చూస్తే ఏమనుకుంటారు…అసలే కాలం మంచిగ లేదు (మెల్లిగా గుసగుసగా) దోస్తానాగిట్ల నడుస్తుందనుకుంటే !?

Party smile: ఏమన్న అనుకోని, నాకేంది… నా మచ్చి, నా ఇష్టం.. ముద్దుపెట్టుకుంట, ఏమన్న చేసుకుంట..

Devil: అవ్… సాల్లే సంభడం.. పొయ్ పని చూస్కో.. మల్ల సాయంత్రం బయటకి తీస్కపోవాలి..

Party smile: గట్లనే.. (నవ్వుతూ.. జాల్లీగా.. వెనక్కి తిరిగి).. మా మంచి మామ..  Winking smile (iPod తిరిగి చెవుల్లోకి దూర్చి.. చల్ మోహనరంగ styleలో Dance చేస్తూ వెళ్లిపోయాడు)

Devil: (మనసులో…) పిచ్చి పోరడు.. ఎందుకో నేనంటే గంత అభిమానం…(సిగ్గుపడుతూ… తలదించి గడ్డి కరచుకొని ఆరగించసాగింది…

(Clock తరువాయి భాగం (అనేది ఒకటుంటే) వచ్చేవారం Clock)

 

 

 

 

ప్రతిపదార్థ తాత్పర్యాలు (తెలంగాణా యాసలోని పదాలకి అర్థం)..

అవ్‌ మల్ల – అవును మరి ఇననీకీ – వినడానికి
ఇగ – ఇక సావ్ – చావు
జరిన్ని – జర + ఇన్ని = కొన్ని గడ్డిపోస – గడ్డిపరక
దుడ్డె – దూడ పసిపోరనోలే – పసి పిల్లవాడిలాగ
అంటలేవూ – అనడంలేదా ఉండేటోనివి – ఉండేవాడివి..
గదే – అదే ఊకో – ఊరుకో
గసోంటిదేం – అలాంటిదేం ఏడనో – ఎక్కడో
పైలం – జాగ్రత్త సమజయితలేదా – అర్థం అవడంలేదా
మజాక్ – సరద యాడికి – ఎక్కడికి
దోస్తానాగిట్ల – దోస్తానా గానీ
(జాన్‌ అబ్రహం, అభిషేక్ బచ్చన్‌ ల అనుబంధం)
సాల్లే సంభడం – చాలులే సంభరం
గంత – అంత

గంగమ్మ వాకిట్లో.. గన్నేరు చెట్టు… గన్నేరు చెట్టేమో విరగాభూసింది… (సరదాగా కాసేపు)

Gangamma Vaakitlo Ganneru Chettu

స్త్రీ|| గంగమ్మ వాకిట్లో.. గన్నేరు చెట్టు… గన్నేరు చెట్టేమో విరగాభూసింది…
కొమ్మ విరగకుండా.. కొయ్యండి పప్పు…. పప్పు తిన్నారంటే పాడెక్కెస్తారంతే…

పోయే కాలామొచ్చి…ఆ బ్రహ్మిగాడు.. పప్పు తెంపుకొని నమిలి మింగాడు..
ఆ నోట.. ఈ నోట… ఆ వార్త తెలిసి.. పరుగెత్తుకొచ్చాడు………… ఆర్.ఎం.పి కాట్ర.

పు|| రానే వచ్చాడోయమ్మ… ఆ కాట్రయ్య… వస్తూ చేసాడోయమ్మ ఏదో మాయ…
రానే వచ్చాడోయమ్మ… ఆ కాట్రయ్య… వస్తూ చేసాడోయమ్మ ఏదో… మాయ……

గంగమ్మ వాకిట్లో.. గన్నేరు చెట్టు… గన్నేరు చెట్టేమో విరగాభూసింది…
కొమ్మ విరగకుండా.. కొయ్యండి పప్పు…. పప్పు తిన్నారంటే పాడెక్కెస్తారంతే………. హో… హో…..

గమనిక: ఎంతోమందికి పరిచయమైన ఈ చిత్రం గూగుల్ సెర్చ్ ఇంజన్‌లో దొరికింది. దీనితో గానీ దీని రూపకల్పనకిగానీ భాగ్యనగరం (ఈ భ్లాగు)కి ఎటువంటి సంబంధం లేదు. పైని పాట నాదే అయినప్పటికి.. ఇది ఏ దురుద్దేశ్యానికి లోనుకాకుండా స్వచ్చమైన మనసుతో పైనున్న చిత్రానికి అనుభూతిచెంది కొందరినైనా నవ్వించే ప్రయత్నంగా రాసాను.. స్వతహాగా మహేశ్‌ని మరియు మంచి చిత్రాలని అభిమానించే నేను ఈ చిత్ర విజయాన్ని మనస్పూర్థిగా ఆకాంక్షిస్తున్నాను.. -మీ ప్రవీణ్

Technocrati కేవలం ఆంగ్లబ్లాగులకోసమేనా??

technorati.com

వికీపీడీయా లో రాయబడిన విషయాల ప్రకారం Technorati అనబడే ఈ site అత్యధిక సంఖ్యలో 11 కోట్ల బ్లాగులు, మరియు 25 కోట్ల శీర్షీకరించబడిన (Tagged) బ్లాగుముక్కలను చదివేసి, వర్గీకరించి వర్థిల్లుతోంది. Windows live writer లో మొదటిసారి Technorati add-in చూడడం ద్వారా ఒక సందేహం వచ్చింది. కాస్త ఆరా తీస్తే తెలిసిన విషయం ఎంటంటే, Tagలకు ఇది రారాజు అని… Blogలను ర్యాంకింగడంలో పెద్ద తోపు అని.

అంతా బాగానే ఉందికానీ తీరా చూస్తే… చావుకబురు చల్లగా చెప్పినట్టు ఇంగ్లీషేతర బ్లాగులకు ప్రస్తుతం మేము దూరం అని తేల్చేసారు… అసలింతకీ, ఈ సైట్‌ని ఎలా వర్గీకరిస్తాం? ఒక మామూలు బ్లాగు అంగడి(Aggregator) గానేనా లేక మరేదైనానా? మీకు తెలిస్తే చెప్పండీ.. లేదా ఇంకొన్ని రోజుల్లో నేనే తేల్చేసి మీకు తెలియజేసే ప్రయత్నం చేస్తా…

ఇట్లు,
మీ ప్రవీణ్